ਕਮਰੇ ਦਾ ਦਰਵਾਜ਼ਾ ਖੋਲ੍ਹਦੇ ਹੀ ‘ਵਿਦੇਸ਼’ ਪਹੁੰਚ ਜਾਂਦੇ ਹਨ ਇਸ ਪਿੰਡ ਦੇ ਲੋਕ! ਜਾਣੋ ਕਿਵੇਂ

1230

ਕਮਰੇ ਦਾ ਦਰਵਾਜ਼ਾ ਖੋਲ੍ਹਦੇ ਹੀ ‘ਵਿਦੇਸ਼’ ਪਹੁੰਚ ਜਾਂਦੇ ਹਨ ਇਸ ਪਿੰਡ ਦੇ ਲੋਕ! ਜਾਣੋ ਕਿਵੇਂ

ਬੈਲਜੀਅਮ ਤੇ ਨੀਦਰਲੈਂਡ ਦੇ ਵਿਚਾਲੇ ਸਥਿਤ ਬਾਰਲੇ ਪਿੰਡ ਆਪਣੇ ਆਪ ‘ਚ ਬੇਹੱਦ ਅਨੋਖਾ ਰਿਹਾਇਸ਼ੀ ਇਲਾਕਾ ਹੈ।ਇਸ ਪਿੰਡ ‘ਚ ਕਈ ਘਰ ਅਜਿਹੇ ਹਨ ਜਿਨ੍ਹਾਂ ਦੇ ਵਿਚਾਲਿਆਂ ਦੋ ਦੇਸ਼ਾਂ ਦੀ ਸੀਮਾਰੇਖਾ ਗੁਜਰਦੀ ਹੈ।ਇੱਥੇ ਰਹਿਣ ਵਾਲੇ ਲੋਕ ਇਕ ਕਦਮ ਚਲ ਕੇ ਦੂਜੇ ਦੇਸ਼ ਪਹੁੰਚ ਸਕਦੇ ਹਨ।ਜਦੋਂਕਿ, ਕੁਝ ਘਰਾਂ ਦਾ ਤਾਂ ਦਰਵਾਜਾ ਹੀ ਦੂਜੇ ਦੇਸ਼ ‘ਚ ਖੁੱਲ੍ਹਦਾ ਹੈ।ਭਾਵ ਇਸ ਘਰ ਦੇ ਲੋਕ ਸੌਂਦੇ ਇਕ ਦੇਸ਼ ਹਨ ਤੇ ਜਾਗਣ ਤੋਂ ਬਾਅਦ ਬਾਹਰ ਨਿਕਲਦੇ ਹਨ ਤਾਂ ਦੂਜੇ ਦੇਸ਼ ‘ਚ ਹੁੰਦੇ ਹਨ।

ਬਾਰਲੇ ਪਿੰਡ ਦੇ ਬੈਲਜੀਅਮ ਵਾਲੇ ਹਿੱਸੇ ਨੂੰ ਬਾਰਲੇ-ਹਰਟੋਗ ਕਿਹਾ ਜਾਂਦਾ ਹੈ।ਦੂਜੇ ਪਾਸੇ ਨੀਦਰਲੈਂਡ ਵਾਲੇ ਹਿੱਸੇ ਨੂੰ ਬਾਰਲੇ-ਨਾਸਾਓ ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ।ਬੈਲਜੀਅਮ ਤੇ ਨੀਦਰਲੈਂਡ ਦੀਆਂ ਸਰਕਾਰਾਂ ਮਿਲ ਕੇ ਇੱਥੋਂ ਦਾ ਪ੍ਰਸ਼ਾਸਨ ਚਲਾਉਂਦੀਆਂ ਹਨ।ਹਾਲ ਹੀ ‘ਚ ਯੂਟਿਊਬਰ ਡ੍ਰਾਅ ਬਿੰਨਸਕਾਈ ਨੇ ਇਸ ਪਿੰਡ ਦਾ ਦੌਰਾ ਕੀਤਾ ਤੇ ਆਪਣੇ ਵੀਡੀਓ ‘ਚ ਦਿਖਾਇਆ ਕਿ ਕਿਵੇਂ ਬਾਰਲੇ ਦੇ ਵਿਚਾਲੇ ਤੋਂ ਦੋ ਦੇਸ਼ਾਂ ਦੀ ਸੀਮਾਰੇਖਾ ਗੁਜਰਦੀ ਹੈ ਤੇ ਇਸ ਸੀਮਾਰੇਖਾ ‘ਤੇ ਹੀ ਕਈ ਘਰ, ਦੁਕਾਨ, ਦਫ਼ਤਰ ਆਦਿ ਬਣੇ ਹਨ।

ਵੀਡੀਓ ‘ਚ ਬਾਰਲੇ ਪਿੰਡ ਦੇ ਇਕ ਨਿਵਾਸੀ ਨੇ ਦੱਸਿਆ ਕਿ ਇਥੇ ਕੁਝ ਦੁਕਾਨਾਂ ਅਜਿਹੀਆਂ ਹਨ ਜਿਨ੍ਹਾਂ ਦਾ ਅੱਧਾ ਹਿੱਸਾ ਬੈਲਜੀਅਮ ‘ਚ ਤੇ ਅੱਧਾ ਹਿੱਸਾ ਨੀਦਰਲੈਂਡ ‘ਚ ਹੈ।ਖੁਦ ਦੁਕਾਨ ਇੰਟਰਨੈਸ਼ਨਲ ਬਾਰਡਰ ‘ਤੇ ਹੈ।ਸੀਮਾਰੇਖਾ ਦੀ ਮਾਰਕਿੰਗ ਦੇ ਲਈ ਥਾਂ-ਥਾਂ ‘ਪਲਸ’ ਸਾਈਨ ਦਾ ਇਸਤੇਮਾਲ ਕੀਤਾ ਗਿਆ ਹੈ।ਦੋਵਾਂ ਦੇਸ਼ਾਂ ਦੇ ਫਲੈਗ ਵੀ ਲਗਾਏ ਹਨ।
ਇਕ ਹੋਰ ਸ਼ਖਸ ਨੇ ਦੱਸਿਆ ਕਿ ਦਿਨ ਭਰ ‘ਚ ਅਸੀਂ ਦਰਜਨਾਂ ਵਾਰ ਇੱਕ ਦੇਸ਼ ਤੋਂ ਦੂਜੇ ਦੇਸ਼ ਜਾਂਦੇ ਹਾਂ, ਕਿਉਂਕਿ ਉਨ੍ਹਾਂ ਦੇ ਵਿਚਾਲੇ ਦੂਰੀ ਹੀ ਚੰਦ ਕਦਮਾਂ ਦੀ ਹੈ।ਉਹ ਇਹ ਵੀ ਕਹਿੰਦੇ ਹਨ ਸਾਨੂੰ ਅਜੀਬ ਨਹੀਂ ਲੱਗਦਾ, ਸਗੋਂ ਟੂਰਿਟਸ

ਇਸ ਕਾਰਨ ਆਕਰਸ਼ਿਤ ਹੁੰਦੇ ਹਨ ਤੇ ਇਕ ਵਿਜ਼ਿਟ ਕਰਨ ਆਉਂਦੇ ਹਨ।ਇਸਦੀ ਵਜ੍ਹਾ ਨਾਲ ਬਾਰਲੇ ਟੂਰਿਸਟ ਪਲੇਸ ਬਣ ਗਿਆ ਹੈ।
96 ਸਾਲਾਂ ਦੀ ਇਕ ਔਰਤ ਦੁਕਾਨਦਾਰ ਨੇ ਕਿਹਾ ਕਿ ਅਸੀਂ ਸਭ ਆਪਸ ‘ਚ ਘੁਲ ਮਿਲ ਗਏ ਹਾਂ।ਪਤਾ ਹੀ ਨਹੀਂ ਲੱਗਦਾ ਕਿ ਕੌਣ ਡਚ ਹੈ ਤੇ ਕੌਣ ਬੈਲਜਿਅਨ ।ਹਾਲਾਂਕਿ, ਮਜਾਕੀਆ ਅੰਦਾਜ ‘ਚ ਉਹ ਕਹਿੰਦੀ ਹੈ ਕਿ ਨੀਂਦਰਲੈਂਡ ਵਾਲੇ ਲੋਕ ਟਿਸ ਬਹੁਤ ਵਧੀਆ ਦਿੰਦੇ ਹਨ।